ផ្លាស់ប្តូរសកម្មភាពដើម្បីបង្កើនភាពឈ្លាសវៃ
- 2022-10-17 3:52:47
- ចំនួនមតិ 0 | ចំនួនទស្សនា 292
ផ្លាស់ប្តូរសកម្មភាពដើម្បីបង្កើនភាពឈ្លាសវៃ
មិត្តអ្នកអានជាទីស្រឡាញ់ អ្នកទាំងអស់គ្នាពិតជាចង់ដឹង និងចង់ក្លាយទៅជាមនុស្សម្នាក់ដែលមានចំណេះដឹងខ្ពស និងមានភាពឈ្លាសវៃហើយមែនទេ?….សំណួរនេះនឹងមានការបកស្រាយសម្រាប់អ្នកដូចខាងក្រោមនេះ ថាតើមនុស្សឆ្លាត គេធ្វើអ្វីខ្លះ?
ផ្ដោតទៅលើអ្នកដទៃជាសំខាន់ជាងខ្លួនឯង៖ មនុស្សភាគច្រើននៅជុំវិញពិភពលោកបានផ្ដោតជាសំខាន់លើខ្លួនឯងជាជាងអ្នកដទៃ។ ផ្ទុយទៅវិញសម្រាប់មនុស្សឆ្លាតបានមើលឃើញពីប្រយោជន៍ជាច្រើនពីមនុស្សនៅជុំវិញខ្លួន នូវអ្វីដែលខ្លួនយល់ថាបុគ្គលទាំងនោះនឹងនាំមកនូវការគាំទ្រ និងឱកាសជាច្រើន។ នៅក្នុងស្ថានភាពបែបណាក៏ដោយ មនុស្សឆ្លាតជាទូទៅតែងតែដាក់ត្រចៀកស្តាប់ច្រើនជាងនិយាយ និងចាប់ផ្តើមពិចារណាពីរបៀបដែលធ្វើឱ្យជីវិតរបស់ខ្លួនមានការផ្លាស់ប្ដូរតាមគោលដៅដែលខ្លួនកំណត់ឡើងពីមនុស្សទាំងនោះ។
រកអ្វីដែលថ្មីជារៀងរាល់ថ្ងៃ៖ ខុសពីមនុស្សទូទៅដែលចូលចិត្តដេកត្រាំត្រែងទៅនឹងអ្វីដែលកន្លងហួស មនុស្សឆ្លាតតែងសម្លឹងមើលអ្វីៗដែលថ្មីសម្រាប់ខ្លួនឯងជាប្រចាំ។ ការធ្វើបែបនេះដោយសារបុគ្គលឆ្លាតយល់ពីទំហំរបស់ពិភពលោកដែលពោរពេញទៅដោយរឿងរ៉ាវស្មុគស្មាញ និងសក្ដានុពលគ្រប់បែបយ៉ាង។ ការរស់នៅដោយសម្លឹងមើលពីអ្វីដែលថ្មី និងរៀនជាប្រចាំនេះហើយដែលជួយជំរុញឱ្យមានការផ្លាស់ប្ដូរ សំដៅឈានទៅរកការអភិវឌ្ឍសមត្ថភាព និងចំណេះដឹង។
រាប់អានមនុស្សឆ្លាត និងមនុស្សមានចំណេះដឹង៖ វាមិនមែនជារឿងចម្លែកនោះទេដែលបុគ្គលឆ្លាតចូលចិត្តរាប់អានមនុស្សឆ្លាត និងមានចំណេះដឹងដូចគ្នា ដោយហេតុថាមនុស្សដែលឆ្លាតៗ និងមានចំណេះដឹងល្អៗទាំងនោះហើយដែលធ្វើឱ្យខ្លួនមានចំណេះដឹងកាន់តែទូលំទូលាយ ព្រមទាំងផ្ដល់ភាពជាគំរូសម្រាប់អភិវឌ្ឍសមត្ថភាពរបស់ខ្លួនដែលមិនចេះរីងស្ងួត៕
អត្ថបទ៖ វិសាល
បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ
សូមជួយចែករំលែកអត្ថបទនេះ ដើម្បីចំនេះដឹង :
អានអត្ថបទ:
© រក្សាសិទ្ធិគ្រប់យ៉ាងដោយ Business Record ឆ្នាំ ©2022
Business Recordនឺងនាំអាជីវកម្មរបស់លោកអ្នកទៅដល់ចំណុចកំពូលនៃភាពជោគជ័យ
Business Record មានចក្ខុវិស័យមួយដើម្បីជួយដល់ប្រជាជនកម្ពុជាឱ្យ យល់ដឹងបន្ថែមអំពីការធ្វើអាជីវកម្ម។ យើងផ្តល់ឱ្យពួកគេនូវដំណោះស្រាយ ទាំងឡាយណាដែលជួយ ឱ្យអាជីវកម្មរបស់ពួកគេមានកេរ្តិ៏ឈ្មោះ និងជាប្រភពនៃការលើកទឹកចិត្ត ដល់ប្រជាជនកម្ពុជាក្នុងការចាប់ផ្តើម ធ្វើអាជីវកម្មរបស់ពួកគេដែលប្រកបទៅដោយប្រសិទ្ធភាព។