គោលការណ៍មាសរបស់លោក លី ខ្វាន់យូ ដែលធ្វើឱ្យសិង្ហបុរីខ្លាំង
- 2022-09-09 3:30:19
- ចំនួនមតិ 0 | ចំនួនទស្សនា 313
គោលការណ៍មាសរបស់លោក លី ខ្វាន់យូ ដែលធ្វើឱ្យសិង្ហបុរីខ្លាំង
នៅពេលគេនិយាយអំពីប្រទេសសិង្ហបុរី ដែលរីកចម្រើនមកទល់សព្វថ្ងៃនេះ គេមិនអាចមិននិយាយអំពីឈ្មោះលោក លី ខ្វាន់យូ បានឡើយ ព្រោះលោកគឺជាបិតាស្ថាបនិក (Founding Father) នៃប្រទេសសិង្ហបុរី និងជារដ្ឋបុរស (statesman) ដ៏ឆ្នើមរបស់ប្រទេសផងដែរ។ ហើយខាងក្រោមនេះជាចំណេះដឹងខ្លះៗដែលលោក លីខ្វាន់យូ ធ្វើឱ្យសិង្ហបុរីខ្លាំងដូចសព្វថ្ងៃ៖ នយោបាយសំខាន់ៗរបស់លោក លី ខ្វាន់យូ
មានគណបក្សតែមួយ គឺគណបក្ស People’s Action Party ដែលលោកជាអ្នកបង្កើត។ អ្នកណាហ៊ានប្រឆាំងនឹងនយោបាយលោកលី ខ្វាន់យូ ឬបង្កើតគណបក្សថ្មី ត្រូវលោកលី ខ្វាន់យូ ចាប់ដាក់ពន្ធនាគារ និងរំលាយគណបក្សចោលទាំងអស់។ ព្រោះលោកយល់ថាសិង្ហបុរីមិនអាចមាននិន្នាការនយោបាយច្រើនបានទេ ពោលគឺត្រូវដើរតាមបន្ទាត់នយោបាយតែមួយដែលលោកបានត្រួសត្រាយផ្លូវរួចហើយ។
ធ្វើកំណែទម្រង់លើវិស័យអប់រំ៖ ព្រោះប្រទេសមានផ្ទៃដីតូច បើគ្មានតម្រិះវិជ្ជាជ្រៅជ្រះ មុខតែប្រឈមនឹងបញ្ហាពិបាកច្រើន ដូចនេះការពង្រឹងវិស័យអប់រំ និងធនធានមនុស្ស គឺវាស្ថិតនៅក្នុងកម្មវិធីជាអាទិភាពរបស់លោក។ វិស័យអប់រំនៅសិង្ហបុរីត្រូវគេចាត់ទុកថាមានស្តង់ដារខ្ពស់ កម្រិតកំពូលនៅក្នុងពិភពលោក។
សណ្ដាប់ធ្នាប់សង្គម និង បរិស្ថានស្អាត ចរាចរណ៍ល្អ សង្គមគ្មានភាពអនាធិបតេយ្យ គ្មានអំពើឆក់ប្លន់ឬអំពើអាវាសែអ្វីទាំងអស់។ ការបំបាត់អំពើពុករលួយដោយផ្ដល់ប្រាក់ខែឬប្រាក់បៀវត្សខ្ពស់សម្រាប់មន្ត្រីរដ្ឋការ និង ពង្រឹងច្បាប់។
ប្រឈមនឹងការខ្វះខាតធនធានធម្មជាតិ លោក លីខ្វាន់យូ ធ្វើកំណែទម្រង់លើវិស័យសេដ្ឋកិច្ច ដោយកែប្រែប្រទេសជាតំបន់នាំចេញ «ផលិតផលសម្រេច -finished goods» និង ដើរកៀងគរវិនិយោគិនបរទេសឱ្យមកបណ្ដាក់ទុននៅសិង្ហបុរី (foreign investment)។ លោក លីខ្វាន់យូ ជាមេដឹកនាំដែលមានការប្ដេជ្ញាចិត្តខ្ពស់បំផុត (commitment) ក្នុងការសម្រេចឱ្យបាននូវផែនការដែលលោកដាក់ចេញ ទោះបីត្រូវបង់ក្នុងតម្លៃណាក៏ដោយ (at all cost) វាមានន័យថាអ្វីដែលលោកដាក់ចេញមកត្រូវតែអនុវត្តឱ្យបាន។
វិស័យសិទ្ធិមនុស្ស មជ្ឈដ្ឋានអ្នកសេរីនិយម ចាត់ទុកថាលោកលី ខ្វាន់យូ រឹតត្បិតសេរីភាពបុគ្គលខ្លាំងពេក តែលោកលី ខ្វាន់យូ បានឆ្លើយតបវិញថា នយោបាយរឹតត្បិតសេរីភាពបែបនេះ គឺដើម្បីធ្វើឱ្យប្រជាពលរដ្ឋម្នាក់ៗក្លាយជាកោសិកាសង្គមមួយដ៏ល្អ គឺជាធនធានដែលមានស្មារតីទទួលខុសត្រូវ និងត្រូវមានកាតព្វកិច្ចទទួលខុសត្រូវទៅលើជោគវាសនាប្រទេសជាតិ។
អត្ថបទ៖ វិសាល
បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ
សូមជួយចែករំលែកអត្ថបទនេះ ដើម្បីចំនេះដឹង :
អានអត្ថបទ:
© រក្សាសិទ្ធិគ្រប់យ៉ាងដោយ Business Record ឆ្នាំ ©2022
Business Recordនឺងនាំអាជីវកម្មរបស់លោកអ្នកទៅដល់ចំណុចកំពូលនៃភាពជោគជ័យ
Business Record មានចក្ខុវិស័យមួយដើម្បីជួយដល់ប្រជាជនកម្ពុជាឱ្យ យល់ដឹងបន្ថែមអំពីការធ្វើអាជីវកម្ម។ យើងផ្តល់ឱ្យពួកគេនូវដំណោះស្រាយ ទាំងឡាយណាដែលជួយ ឱ្យអាជីវកម្មរបស់ពួកគេមានកេរ្តិ៏ឈ្មោះ និងជាប្រភពនៃការលើកទឹកចិត្ត ដល់ប្រជាជនកម្ពុជាក្នុងការចាប់ផ្តើម ធ្វើអាជីវកម្មរបស់ពួកគេដែលប្រកបទៅដោយប្រសិទ្ធភាព។