តើអនាគតគេគិតលើសញ្ញាបត្រឬជំនាញ?

  • 2022-09-06 3:40:54
  • ចំនួនមតិ 0 | ចំនួនទស្សនា 284


នាពេលអនាគតតម្រូវការការងារជាច្រើនមិនត្រូវបានគិតពីកម្រិតនៃការសិក្សាតែមួយមុខទៀតឡើយ ប៉ុន្តែការងារទាំងអស់នឹងតម្រូវឱ្យមនុស្សមានជំនាញច្បាស់លាស់ទៅលើការងារនីមួយៗរបស់ពួកគេ។ បើយោងទៅតាមការស្ទង់មតិមួយនៅអាមេរិកបានបង្ហាញថា ៩៣% នៃអ្នកធ្វើការឯករាជ្យដែលបញ្ចប់ការសិក្សារយៈពេល៤ឆ្នាំ នៅសាកលវិទ្យាល័យ បាននិយាយថា ការហ្វឹកហាត់ជំនាញណាមួយឱ្យចេះច្បាស់ ពិតជាមានសារៈប្រយោជន៍ខ្លាំងណាស់។ លើសពីនេះទៅទៀតនោះ ៧០%នៃអ្នកធ្វើការឯករាជ្យតែងតែចូលរួមវគ្គបណ្តុះបណ្តាលជំនាញច្បាស់លាស់យ៉ាងហោចណាស់៦ខែម្តង។

អ្វីដែលកាន់តែពិសេសនោះ អ្នកដឹកនាំក្រុមហ៊ុនបច្ចេកវិទ្យាម្នាក់បាននិយាយថា៖​ «ខ្ញុំបានជួលអ្នកសរសេរកម្មវិធីជាច្រើនមកធ្វើការ ហើយការជ្រើសរើសពួកគេមកធ្វើការនោះ ខ្ញុំមិនដែលខ្វល់ពីកម្រិតនៃការសិក្សារបស់ពួកគេឡើយ តែអ្វីដែលខ្ញុំខ្វល់គឺថាតើពួកគេអា​ចធ្វើការងារបានល្អប៉ុណ្ណាជាមួយនឹងជំនាញរបស់ពួកគេនេះ» លោកបានបន្តថា៖ «ជាការពិតណាស់!!…អ្នកធ្វើការបានល្អ ហើយលឿនក្នុងចំណោម២០នាក់ក្នុងវិស័យបច្ចេកវិទ្យាសុទ្ធតែមិនមានកម្រិតសិក្សានៅឯសាកលវិទ្យាល័យឡើយ»។

ចំណែកឯក្រុមហ៊ុន Google ក៏ធ្លាប់ជ្រើសរើសបុគ្គលិក​ដោយមើលលើកម្រិតសិក្សា និងព្រឹត្តិបត្តិពិន្ទុរបស់បេក្ខជនដែរពីមុន ប៉ុន្តែពេលនេះលោក Laszlo Bock អតីតជាអ្នកជ្រើសរើសបុគ្គលិកឱ្យក្រុមហ៊ុននេះបាននិយាយថា៖ យើងជ្រើសរើសបុគ្គលិក គឺមើលលើសមត្ថភាពពិតរបស់ពួកគេក្នុងការធ្វើការ មិនមែនសញ្ញាបត្រនោះទេ។

បញ្ចាក់អត្ថបទនេះមិនមែនចង់បានន័យថា ការសិក្សានៅសាកលវិទ្យាល័យជាការចំណាយលុយឬពេលវេលាអត់ប្រយោជន៍នោះទេ។ តែវាគ្រាន់តែជាករណីសិក្សាខ្លះៗតែប៉ុណ្ណោះដើម្បីទុកគ្រាន់គិតពិចារណា ក៏៏ដូចជាការក្រើនរំលឹងដល់មនុស្សទាំងអស់ឱ្យផ្តោតលើជំនាញរបស់ខ្លួនរៀងៗខ្លួន៕

អត្ត​បទ​៖ វិសាល

——————————————–
ព័ត៌មានអំពីសៀវភៅ៖ https://bit.ly/3bj3sOX
តំណាងចែកចាយ៖ https://bit.ly/3cqLBJ5
——————————————–

បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ

សូមជួយចែករំលែកអត្ថបទនេះ ដើម្បីចំនេះដឹង :



អានអត្ថបទ: