Business Record

៤ ចំណុចដែលយុវជននាសម័យនេះត្រូវមានមុនខ្លួនអាយុ៣០ឆ្នាំ

2022-07-29 2:59:36
ចំនួនមតិ 0 | ចំនួនទស្សនា 748

អ្នកដែលមានអាយុក្រោម៣០ឆ្នាំ ដែលចង់ឱ្យជីវិតរបស់ខ្លួនមានគុណភាព និងរស់រវើក គួរឈ្វេងយល់ចាប់យកគុណតម្លៃទាំង៤ចំណុចខាងក្រោមនេះដើម្បីយកមកអនុវត្ត កុំឱ្យមានការស្តាយក្រោយដោយប្រការណាមួយ។

១) មានបទពិសោធន៍ទៅលើការងារណាមួយឱ្យច្បាស់លាស់៖ មានបទពិសោធន៍ដ៏ល្អលើការងារអ្វីមួយឱ្យច្បាស់លាស់ វានឹងធ្វើឱ្យអ្នកមានភាពជឿជាក់ខ្ពស់លើខ្លួនឯង។ ប៉ុន្តែបើអ្នកបរាជ័យ អ្នកក៏មិនត្រូវបន្ទោសឬដាក់កំហុសមកលើខ្លួនឯងនោះដែរ ព្រោះថាការបរាជ័យនេះ វានឹងជួយបញ្ជាក់ប្រាប់អ្នកថា សមត្ថភាពរបស់អ្នកនៅមានកម្រិត។ ដូច្នេះត្រូវអគុណដល់ភាពបរាជ័យ ហើយព្យាយាមបង្កើតបទពិសោធន៍ល្អៗឱ្យបានកាន់តែច្រើនជាងនេះ មិនថាបទពិសោធន៍លើការសិក្សា ការងារ ឬសកម្មភាពប្រចាំថ្ងៃរបស់ខ្លួនក៏ដោយ។

២) ត្រូវស្គាល់ខ្លួនឯងឱ្យច្បាស់៖ ការស្គាល់ខ្លួនឯង គឺជារឿងអាទិភាពមុននឹងអ្នកស្គាល់អ្នកដទៃ។ អ្នកស្គាល់ខ្លួនឯងកាន់តែច្បាស់ នោះមានន័យថា អ្នកកាន់តែមើលឃើញពីចំណុចខ្វះខាតរបស់ខ្លួនកាន់តែច្រើន និងកាន់តែច្បាស់ ហើយនេះគឺជាអ្វីដែលអ្នកត្រូវជួសជុលឡើងវិញឬត្រូវបំពេញបន្ថែមទើបជីវិតរបស់អ្នកមានតម្លៃ។

៣) មានទំនួលខុសត្រូវខ្ពស់៖ ទំនួលខុសត្រូវ គឺជារបស់មួយដែលអ្នកត្រូវមានភាពស្មោះត្រង់សម្រាប់ខ្លួនឯង និងអ្នកដទៃ ព្រមទទួលស្គាល់លទ្ធផលមួយដែលកើតចេញពីសកម្មភាពរបស់ខ្លួន និងការដែលអ្នកធ្វើខ្លួនឱ្យមានតម្លៃសមជាមនុស្ស។ មិនចំពោះថាក្នុងវ័យក្រោម៣០នោះទេ គឺមនុស្សគ្រប់រូបត្រូវទទួលខុសត្រូវរាល់លទ្ធផលទាំងឡាយណាដែលកើតចេញពីសកម្មភាពរបស់ខ្លួន។

៤) មានភាពច្នៃប្រឌិតខ្ពស់៖ ភាពច្នៃប្រឌិត គឺជាសិល្បៈមួយដែលនាំមកនូវការបង្កើតសមិទ្ធផលថ្មីប្លែកខុសពីអ្នកដទៃ (មានប្រយោជន៍) តាមរយៈការស្រាវជ្រាវច្នៃចេញជាចំណេះដឹងរបស់ខ្លួនពីប្រភពផ្សេងគ្នា។ ក្នុងវ័យនេះអ្នកត្រូវបង្កើតភាពច្នៃប្រឌិតឱ្យកាន់តែច្រើន ដូចជានៅក្នុងវិស័យការងារ ទំនាក់ទំនងឬការស្រាវជ្រាវជាដើម។

អត្ថបទ៖ ប៊ុនហ៊ាង

ផ្នែកមួយនៃសៀវភៅ៖ ផ្តើមពីសូន្យ

——————————————–

Channel Telegram: https://t.me/businessrecord2022

ព័ត៌មានអំពីសៀវភៅ៖ https://bit.ly/3bj3sOX

តំណាងចែកចាយ៖ https://bit.ly/3cqLBJ5

——————————————–

បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ

សូមជួយចែករំលែកអត្ថបទនេះ ដើម្បីចំនេះដឹង :

អានអត្ថបទ: