អ្នកតែងនិយាយថា ប្រាក់ខែចាយមិនដែលគ្រប់ឬក៏ចាយមិនដែលសល់ មិនដឹងពេលណាសល់ប្រាក់ដូចគេ? បើនិយាយទៅការសន្សំប្រាក់វាមិនស្រួលដូចការចាយប្រាក់ឡើយ។ ប៉ុន្តែបើទោះជាយ៉ាងនេះក៏ដោយក៏ការសន្សំប្រាក់វាជាប្រយោជន៍មួយ ដែលអាចជួយអ្នកឱ្យដោះទាល់បានខ្លះ នៅពេលដែលមានបញ្ហាណាមួយកើតឡើង។ ហើយខាងក្រោមនេះជាវិធីសាស្ត្រមួយចំនួនសម្រាប់ឱ្យអ្នកទុកគ្រាន់ជាគំនិតខ្លះៗ៖

១ លុយរាយ៖ ជាទូទៅពេលដែលអ្នកទិញអ្វីក៏ដោយ រមែងទទួលបានប្រាក់អាប់មកវិញ ដូចជា៥០០៛ ឬ១០០០៛។ អ្នកត្រូវចាំថាខ្វះ១០០៛ ក៏មិនអាចមាន១០,០០០៛ បានដែរ ដូចនេះហើយអ្នកត្រូវចេះឱ្យតម្លៃលើប្រាក់បន្តិចបន្តួចនេះ។ ហើយរៀងរាល់ពេលដែលអ្នកទទួលបានប្រាក់បន្តិចបន្តួចបែបនេះ អ្នកគួរតែយកលុយរាយទាំងនោះ ទៅទុកកន្លែងណាមួយដើម្បីសន្សំ ហើយរៀងរាល់១ទៅ ២ខែ ត្រូវយកវាមករាប់ម្តង នោះអ្នកនឹងឃើញថាវាមិនមែនជាចំនួនលុយរាយទៀតនោះទេ។

២ កំណត់ការចាយវាយប្រចាំសប្ដាហ៍ឬខែ៖ សម្រាប់យុវជនខ្មែរ ក្បួននេះមិនសូវជានិយមប៉ុន្មានទេ ហើយក៏មិនសូវយកចិត្តទុកដាក់ពីការកត់ត្រាចំណាយរបស់ខ្លួនដែរ។ ប៉ុន្ដែវិធីសាស្រ្តនេះវាពិតជាល្អខ្លាំងណាស់សម្រាប់ជាការក្រើនរំលឹកថា អ្នកបានចាយអស់ប៉ុន្មាន និង​ចំណាយលើអ្វីខ្លះជាជាងមិនដឹងបាត់លុយទៅណា។

៣ បែងចែកលុយសម្រាប់គ្រាអាសន្ន៖ អ្នកមិនអាចទាយទុកមុនថា ថាស្អែកនឹងទៅជាបែបណានោះទេ។ ពេលខ្លះប្រាក់របស់អ្នកពេលនេះអាចត្រឹមតែមួយចាយគ្រប់ប៉ុណ្ណោះ ដូចនេះហើយការបង្កើតប្រាក់សន្សំសម្រាប់ហេតុការណ៍ចាំបាច់ណាមួយវាជារឿងល្អបំផុតសម្រាប់អ្នក។

អត្ថបទ៖ បូ ទីន

បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ

សូមជួយចែករំលែកអត្ថបទនេះ ដើម្បីចំនេះដឹង :

អានអត្ថបទ:

• ដំបូន្មានរបស់លោក Richard Branson សម្រាប់សហគ្រិនជំនាន់ក្រោយ

• ពេលអតិថិជនកំពុងខឹង តើអ្នកគួរធ្វើដូចម្តេច?

• ផ្លាស់ប្តូរសកម្មភាពដើម្បីបង្កើនភាពឈ្លាសវៃ

• តើនាយកប្រតិបត្តិ (CEO) ត្រូវមានកាតព្វកិច្ចសំខាន់ៗអ្វីខ្លះ?