៣ វិធីជួយបង្កើនសមត្ថភាពការងាររបស់អ្នក
- 2022-07-05 3:20:41
- ចំនួនមតិ 0 | ចំនួនទស្សនា 514
៣ វិធីជួយបង្កើនសមត្ថភាពការងាររបស់អ្នក
ការចំណាយពេលធ្វើការច្រើនម៉ោងក្នុងមួយថ្ងៃៗ និងការខិតខំធ្វើការដោយមិនគិតទៅដល់ពេលសម្រាក វាមិនមែនសុទ្ធតែនាំយើងឱ្យចំណេញពេលវេលា ប្រាក់ចំណូល និងសុខភាពឡើយ។ ហើយខាងក្រោមនេះគឺជាគន្លឹះងាយៗ៣យ៉ាងដែលអាចឱ្យអ្នកសាកល្បងប្រើប្រាស់ដើម្បីបង្កើនគុណភាពការងាររបស់អ្នក៖
១–គេង១៥នាទី៖ ការគេងមួយស្របក់ជាវិធីសាស្រ្តមួយដែលមានប្រសិទ្ធភាពបំផុត ក្នុងការជំរុញឱ្យខួរក្បាលបំពេញមុខងាររបស់វាបានយ៉ាងសកម្ម។ ការសិក្សាស្រាវជ្រាវមួយបានបង្ហាញថា «ការគេងមួយស្របក់» វានឹងជួយបង្កើនសមត្ថភាពខួរក្បាលផ្នែកពុទ្ធិ ផ្នែកការគិត និងផ្នែកការចងចាំរបស់មនុស្សបានរឹតតែល្អ។ ជាពិសេសចំពោះសិស្ស/និស្សិតដែលកំពុងសិក្សា និងអ្នកដែលមានការងាររវល់ច្រើន ការគេងមួយស្របក់ផ្ដល់គុណតម្លៃសម្រាប់ការសិក្សា និងការងារ ព្រោះវាធ្វើឱ្យអារម្មណ៍មូល ស្ដាប់គ្រូពន្យល់ឆាប់ចូល ធ្វើការមានប្រសិទ្ធភាពខ្ពស់។ វាក៏ជួយធ្វើឱ្យខួរក្បាលប្រមូលការចងចាំបានល្អផងដែរ។ មានការលើកឡើងមួយដែលបានមកពីការពិសោធន៍នៅក្នុងការប្រឡងមួយ៖ ដោយឱ្យសិស្សខ្លះគេងមួយស្របក់សិនមុននឹងធ្វើលំហាត់ប្រឡង រីឯសិស្សមួយក្រុមទៀតខំប្រឹងទន្ទេញមេរៀនដោយមិនបានគេង។ លទ្ធផលបង្ហាញថាសិស្សដែលគេងមួយស្របក់ មានសមត្ថភាពដោះស្រាយវិញ្ញាសាប្រឡងបានប្រសើរជាងសិស្សមិនបានគេង។
២–ចំណាយពេលចូលក្នុងបរិស្ថានធម្មជាតិ៖ យើងគួរចំណាយពេលក្នុងពិភពធម្មជាតិ ដើម្បីសម្រួលឬផ្លាស់ប្ដូរបរិយាកាស និងលំហែចិត្ត។ សាកស្រមៃទៅមើលថាប្រសិនបើអ្នកដើរនៅលើដងផ្លូវនៅតំបន់ទីប្រជុំជន ធៀបនឹងដើរនៅក្នុងសួនច្បារដែលមានបរិយាកាសស្ងប់ស្ងាត់ ថាតើអ្នកនឹងមានអារម្មណ៍បែបណា?…… ហើយបរិយាកាសមួយណាដែលធ្វើឱ្យអ្នកស្រស់ស្រាយជាង?…. ប្រាកដណាស់គឺបរិយាកាសនៅក្នុងសួនច្បារដែលធ្វើឱ្យអ្នកមានអារម្មណ៍ស្រស់ស្រាយ។ មានការសិក្សាស្រាវជ្រាវមួយបានបញ្ជាក់ថា ការដើរនៅតាមផ្លូវអ៊ូអរគឺនៅតែធ្វើឱ្យខួរក្បាលមិនអាចសម្រាកបានដដែល ព្រោះត្រូវប្រុងប្រយ័ត្នជាប់ជានិច្ច។ ផ្ទុយទៅវិញប្រសិនបើអ្នកដើរនៅក្នុងសួនឬឧទ្យាន អ្នកនឹងទទួលបាននូវអារម្មណ៍ល្ហែល្ហើយក្នុងចិត្ត។
៣–ផ្លាស់ទីកន្លែងឱ្យច្រើន៖ អ្នកអាចបំពេញកិច្ចការនៅតាមទីតាំងផ្សេងៗដូចជា ស្តាម៉ាត ហាងកាហ្វេ ឬកន្លែងផ្សេងៗទៀតដែលធ្វើឱ្យការគិត និងប្រសិទ្ធភាពការងាររបស់អ្នករឹតតែល្អ និងរឹតតែមានប្រសិទ្ធភាពខ្ពស់។ ប៉ុន្តែប្រសិនបើអ្នកធ្វើការតែមួយកន្លែងទេ ចូរចាប់ផ្តើមបំបែកកិច្ចការដែលត្រូវធ្វើជាចម្រៀកតូចៗដើម្បីងាយស្រួលបញ្ចប់។ ពេលបញ្ចប់មួយគន្លាក់ហើយ អ្នកអាចសម្រាកមួយភ្លែតសិន សឹមបន្តទៅកិច្ចការមួយទៀត។
អត្ថបទ៖ វិសាល
——————————————–
បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ
សូមជួយចែករំលែកអត្ថបទនេះ ដើម្បីចំនេះដឹង :
អានអត្ថបទ:
© រក្សាសិទ្ធិគ្រប់យ៉ាងដោយ Business Record ឆ្នាំ ©2022
Business Recordនឺងនាំអាជីវកម្មរបស់លោកអ្នកទៅដល់ចំណុចកំពូលនៃភាពជោគជ័យ
Business Record មានចក្ខុវិស័យមួយដើម្បីជួយដល់ប្រជាជនកម្ពុជាឱ្យ យល់ដឹងបន្ថែមអំពីការធ្វើអាជីវកម្ម។ យើងផ្តល់ឱ្យពួកគេនូវដំណោះស្រាយ ទាំងឡាយណាដែលជួយ ឱ្យអាជីវកម្មរបស់ពួកគេមានកេរ្តិ៏ឈ្មោះ និងជាប្រភពនៃការលើកទឹកចិត្ត ដល់ប្រជាជនកម្ពុជាក្នុងការចាប់ផ្តើម ធ្វើអាជីវកម្មរបស់ពួកគេដែលប្រកបទៅដោយប្រសិទ្ធភាព។