៤ ចំណុចងាយៗដែលអាចផ្លាស់ប្តូរទម្លាប់ដ៏សែនអាក្រក់របស់អ្នក
- 2022-06-23 3:06:44
- ចំនួនមតិ 0 | ចំនួនទស្សនា 384
៤ ចំណុចងាយៗដែលអាចផ្លាស់ប្តូរទម្លាប់ដ៏សែនអាក្រក់របស់អ្នក
ការងារល្អឬមិនល្អ វាកើតមកពីទម្លាប់ប្រចាំថ្ងៃរបស់អ្នក។ ទម្លាប់ល្អជាប្រភពដ៏សំខាន់ដែលធ្វើឱ្យអ្នកសម្រេចបាននូវអ្វីដែលអ្នកចង់បាន ចំណែកឯទម្លាប់អាក្រក់វិញតែងតែធ្វើឱ្យអ្នកជួបនឹងបញ្ហាជាច្រើនពិបាកដោះស្រាយ។ ហើយខាងក្រោមនេះគឺជាវិធីងាយៗដែលអាចផ្លាស់ប្ដូរទម្លាប់អាក្រក់ទៅជាទម្លាប់ល្អវិញបាន៖
១) ចាប់ផ្តើមពីចំណុចតូច៖ មនុស្សតែងព្យាយាមចង់ផ្លាស់ប្ដូរទម្លាប់អាក្រក់របស់ខ្លួនជាមួយនឹងសកម្មភាពជាច្រើន ក្នុងបំណងដើម្បីអាចផ្លាស់ប្តូរឱ្យបានឆាប់ ប៉ុន្តែតិចណាស់ដែលទទួលបានជោគជ័យ ព្រោះទម្លាប់អាក្រក់នេះវាសឹងតែក្លាយជាវត្ថុដែលអ្នកខ្វះមិនបានទៅហើយ។ ដូចនេះអ្នកគួរចាប់ផ្តើមពីចំណុចតូចៗទៅមុនដើម្បីធ្វើឱ្យខ្លួនអ្នកមានអារម្មណ៍ថាចង់ធ្វើវា និងអាចធ្វើវាបាន។
២) ពង្រឹងពីតូចទៅធំ៖ ការចាប់ផ្តើមគឺជាចំណុចដ៏សំខាន់មួយ តែត្រូវប្រើរយៈពេលយូរបន្តិចដើម្បីអាចបង្កើតទម្លាប់ថ្មីបាន។ បន្ទាប់ពីអ្នកបានចាប់ផ្តើមបង្កើតទម្លាប់ថ្មីជាមួយនឹងជំហានខ្លីៗហើយនោះ អ្នកគួរតែពង្រឹងវាជាប្រចាំ ព្រោះធ្វើបែបនេះដើម្បីឱ្យអ្នកសុំាខ្លួនជាមួយនឹងទម្លាប់ថ្មីកាន់តែប្រសើរជាងមុន។ អ្នកត្រូវដឹងថា មិនគួរធ្វើអ្វីឱ្យហួសពីសមត្ថភាពរបស់អ្នកឡើយ ព្រោះវានឹងធ្វើឱ្យអ្នកមានអារម្មណ៍ថា តានតឹងខ្លាំង រហូតធ្វើឱ្យអ្នកមិនអាចកែប្រែទម្លាប់អាក្រក់ចេញបាន។ បើអ្នកបានចាប់ផ្តើមអានសៀវភៅកន្លះទំព័រក្នុងមួយថ្ងៃ ដូច្នេះអ្នកគួរបន្ថែមការអានឱ្យបានច្រើនជាងនេះនៅថ្ងៃបន្ទាប់ ម្ដងបន្តិចៗទៅតាមលទ្ធភាពដែលអាចធ្វើបាន។ និយាយឱ្យស្រួលស្តាប់ធ្វើដោយសន្សឹមៗកុំបង្ខំ។
៣) បរាជ័យហើយនៅតែធ្វើ៖ ការផ្លាស់ប្តូរទម្លាប់អាក្រក់ គឺជារឿងដ៏ពិបាក ដូច្នេះក្នុងដំណើរនៃការផ្លាស់ប្តូរនេះ វាជៀសមិនផុតពីការបរាជ័យនោះទេ តែអ្វីដែលសំខាន់នោះ អ្នកត្រូវធ្វើវាម្តងទៀត។ វាមានន័យថា អ្នកដែលជោគជ័យពិតប្រាកដ ក្នុងការបង្កើតទម្លាប់ថ្មី គឺជាមនុស្សដែលមិនបោះបង់ បើទោះបីជាមានពេលខ្លះបរាជ័យក៏ដោយ។
៤) ស្វែងរកការលើកទឹកចិត្ត៖ ការលើកទឹកចិត្ត ពិតជាមានសារៈសំខាន់ខ្លាំងណាស់ក្នុងការធ្វើការងារអ្វីមួយ ជាពិសេសនៅពេលដែលជួបនឹងបញ្ហា។ អ្នកអាចស្វែងរកការលើកទឹកចិត្តនេះតាមរយៈគ្រួសារ, មិត្តភ័ក្ដិ ឬ មនុស្សជាទីស្រឡាញ់ ដែលការធ្វើបែបនេះវានឹងអាចជួយឱ្យអ្នកមានកម្លាំងចិត្តបន្តការផ្លាស់ប្តូរនូវទម្លាប់អាក្រក់មួយនេះដោយមិនរុញរា។ ហើយអ្វីដែលរឹតតែសំខាន់ទៀតនោះ គឺអ្នកខ្លួនឯងត្រូវតែចេះលើកទឹកចិត្តដល់ខ្លួនឯងផងដែរ៕
អត្ថបទ៖ ប៊ុនហ៊ាង
——————————————–
បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ
សូមជួយចែករំលែកអត្ថបទនេះ ដើម្បីចំនេះដឹង :
អានអត្ថបទ:
© រក្សាសិទ្ធិគ្រប់យ៉ាងដោយ Business Record ឆ្នាំ ©2022
Business Recordនឺងនាំអាជីវកម្មរបស់លោកអ្នកទៅដល់ចំណុចកំពូលនៃភាពជោគជ័យ
Business Record មានចក្ខុវិស័យមួយដើម្បីជួយដល់ប្រជាជនកម្ពុជាឱ្យ យល់ដឹងបន្ថែមអំពីការធ្វើអាជីវកម្ម។ យើងផ្តល់ឱ្យពួកគេនូវដំណោះស្រាយ ទាំងឡាយណាដែលជួយ ឱ្យអាជីវកម្មរបស់ពួកគេមានកេរ្តិ៏ឈ្មោះ និងជាប្រភពនៃការលើកទឹកចិត្ត ដល់ប្រជាជនកម្ពុជាក្នុងការចាប់ផ្តើម ធ្វើអាជីវកម្មរបស់ពួកគេដែលប្រកបទៅដោយប្រសិទ្ធភាព។