៣ចំណុចដែលបង្ហាញថាអ្នកជាមេដឹកនាំដ៏ល្អ
- 2022-06-22 4:28:19
- ចំនួនមតិ 0 | ចំនួនទស្សនា 298
៣ចំណុចដែលបង្ហាញថាអ្នកជាមេដឹកនាំដ៏ល្អ
ក្លាយទៅជាអ្នកដឹកនាំ គឺជាក្តីប្រាថ្នាដែលមនុស្សមួយចំនួនប្រាថ្នាចង់បាន ប៉ុន្តែនៅពេលដែលក្លាយខ្លួនទៅជាមេដឹកនាំគេហើយនោះ មានភារកិច្ចជាច្រើនដែលអ្នកត្រូវធ្វើ ហើយវាក៏មិនមែនជារឿងងាយស្រួលនោះដែរ ព្រោះអ្នកត្រូវតែមានទំនួលខុសត្រូវខ្ពស់ជាងមនុស្សដទៃផ្សេងទៀត ជាពិសេសនោះគឺជាអ្នកឈរមុខគេដើម្បីសម្រេចចិត្តលើការងារផ្សេងៗ។ ដូចនេះក្រុមការងារ Business Record បានស្វែងរកនូវគុណតម្លៃទាំង៣ចំណុចនេះ ទុកគ្រាន់ជាជំនួយសម្រាប់ជាចំណេះដឹងខ្លះៗដល់មិត្តអ្នកអាន។
ឱ្យតម្លៃដល់បុគ្គលិក៖ មិនថាជាការងារប្រភេទអ្វីក៏ដោយ បើទោះបីជាអ្នកជាចៅហ្វាយដែលមានសមត្ថភាពខ្ពស់ប៉ុណ្ណាក៏ដោយ អ្នកប្រាកដជាមិនអាចធ្វើការងារតែម្នាក់ឯងបានដោយជោគជ័យនោះទេ ព្រោះទាល់តែមានការចូលរួម និងការខិតខំប្រឹងប្រែងរបស់បុគ្គលិករបស់អ្នក ទើបការងារនោះសម្រេចបានជោគជ័យ។ ក្នុងនោះមិនថាបុគ្គលិករបស់អ្នកមានតំណែងឬតួនាទីបែបណានោះទេ អ្នកត្រូវគោរព និងឱ្យតម្លៃលើការងាររបស់ពួកគេ ព្រោះតម្លៃរបស់មនុស្សមិនស្ថិតលើតំណែងតួនាទីឡើយ គឺវាស្ថិតនៅលើលទ្ធផលការងារ និងភាពស្មោះត្រង់របស់មនុស្ស។
ជឿជាក់លើពួកគេ៖ ការជឿជាក់ពិតជាមានសារៈសំខាន់ណាស់ ពីព្រោះមនុស្សមិនអាចធ្វើការងារជាមួយគ្នាបានឡើយ ប្រសិនបើខ្វះការជឿជាក់រវាងគ្នានឹងគ្នា។ ក្នុងនាមជាចៅហ្វាយរបស់គេ អ្នកមិនគួរបង្ហាញថា អ្នកមិនជឿជាក់លើសមត្ថភាពរបស់បុគ្គលិករបស់អ្នកនោះទេ ព្រោះវានឹងធ្វើឱ្យពួកគេបាក់ទឹកចិត្ត ហើយថែមទាំងធ្វើឱ្យពួកគេមិនអាចបញ្ចេញសមត្ថភាពល្អៗរបស់ពួកគេបានទៀតផង។ បុគ្គលិករបស់អ្នក ពួកគេនឹងមានអារម្មណ៍ថាខ្លួនគេមិនមានតម្លៃទេ ព្រោះពួកគេខ្វះការជឿជាក់ពីចៅហ្វាយនាយរបស់ពួកគេ។
ការគាំទ្រ និងការអនុគ្រោះ៖ ជារឿងធម្មតានោះទេ នៅពេលធ្វើការ បុគ្គលិកតែងតែជួបបញ្ហា និងមានកំហុសឆ្គងផ្សេងៗ។ ដូច្នេះក្នុងនាមអ្នកជាចៅហ្វាយរបស់ពួកគេ អ្នកត្រូវធ្វើជាជំហរ និងផ្តល់ជាដំណោះស្រាយផ្សេងៗទៅដល់ពួកគេ។ ប្រសិនបើចៅហ្វាយយកចិត្តទុកដាក់លើបញ្ហាទាំងនេះ នោះអ្វីៗក៏មានលក្ខណៈប្រសើរឡើងផងដែរ។ អ្នកអាចជួយលើកទឹកចិត្ដ ដូចជាប្រាក់រង្វាន់ ការតំឡើងប្រាក់ខែ ឬការតំឡើងតំណែងជាដើម៕
អត្ថបទ៖ ប៊ុនហ៊ាង
——————————————–
បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ
សូមជួយចែករំលែកអត្ថបទនេះ ដើម្បីចំនេះដឹង :
អានអត្ថបទ:
© រក្សាសិទ្ធិគ្រប់យ៉ាងដោយ Business Record ឆ្នាំ ©2022
Business Recordនឺងនាំអាជីវកម្មរបស់លោកអ្នកទៅដល់ចំណុចកំពូលនៃភាពជោគជ័យ
Business Record មានចក្ខុវិស័យមួយដើម្បីជួយដល់ប្រជាជនកម្ពុជាឱ្យ យល់ដឹងបន្ថែមអំពីការធ្វើអាជីវកម្ម។ យើងផ្តល់ឱ្យពួកគេនូវដំណោះស្រាយ ទាំងឡាយណាដែលជួយ ឱ្យអាជីវកម្មរបស់ពួកគេមានកេរ្តិ៏ឈ្មោះ និងជាប្រភពនៃការលើកទឹកចិត្ត ដល់ប្រជាជនកម្ពុជាក្នុងការចាប់ផ្តើម ធ្វើអាជីវកម្មរបស់ពួកគេដែលប្រកបទៅដោយប្រសិទ្ធភាព។