១. ការត្រៀមខ្លួន៖ ជាការពិតណាស់គ្មាននរណាម្នាក់អាចដឹងមុនទេថាថ្ងៃស្អែកនឹងមានរឿងអ្វីកើតឡើង។ ដូចគ្នានេះដែរ សូម្បីតែលោក Elon Musk ក៏ជាមនុស្សសាមញ្ញម្នាក់ដែរ ដែលមិនអាចមានសមត្ថភាពក្នុងការទស្សន៍ទាយដឹងរឿងនាថ្ងៃអនាគតបានឡើយ។ ដូច្នេះហើយ សម្រាប់ក្រុមហ៊ុនរបស់លោក ដែលលោកបានបង្កើតឡើងនេះក៏លោកបានរៀបចំផែនការយុទ្ធសាស្រ្តទុកជាមុន ដើម្បីធ្វើឱ្យប្រាកដថាការងារដែលលោកគ្រោងទុកនោះ វាពិតជាដើរដោយរលូន និង ខ្លាំងក្លាពិតប្រាកដមែន។ សម្រាប់លោក Elon Musk មុនពេលលោកចេញប្រឡូកក្នុងការរកស៊ីទៅលើវិស័យណាមួយលោករមែងតែងតែបានធ្វើការត្រៀមលក្ខណផ្លូវចិត្តទុកជាមុនជានិច្ច ថាតើគួរធ្វើបែបណាដើម្បីបន្តនូវភាពរុងរឿងនៃការងាររកស៊ីនោះបានរហូត។

២. លេសមានសម្រាប់តែអ្នកចាញ់៖ សហគ្រាសដ៏ជោគជ័យរូបនេះរមែងតែងតែប្រកាន់នូវជំហរក្នុងការស្តាប់ និង ​និយាយស្តីពោរពេញទៅដោយហេតុផលជានិច្ច ជាជាងយកលេសណាមួយដើម្បីគេចចេញពីបញ្ហា ឬ កំហុសឆ្គងណាមួយដែលខ្លួនកំពុងតែប្រឈម។ ម្យ៉ាងវិញទៀតព្រោះតែអត្តចរិតព្រមទាំងលំនាំនៃការគិតដូច្នេះហើយ ទើបធ្វើឱ្យលោកកាន់តែទទួលបាននូវភាពរីកច្រើនលូតលាត់ទៅលើគ្រប់វិស័យនៃមុខជំនួញរបស់លោកជានិច្ច។

៣. ផ្លាស់ប្តូរបែបវិជ្ជមាន៖ លោក​ Elon Musk ធ្លាប់បាននិយាយថា៖ ប្រសិនបើយើងបង្កើតអ្វីមួយដែលមានប្រយោជន៍ហើយនោះ មិនថាតិច ឬច្រើនក៏ដោយ នោះវាគឺជារឿងល្អមួយរួចបាត់ទៅហើយ។ មិនមែនទាល់តែចាំបាច់ធ្វើរឿងធំនោះទេ ឱ្យតែមានប្រយោជន៍ ទោះតិចតួចក៏ដោយក៏វាអាចជាចំណែកមួយក្នុងការផ្លាស់ប្តូរពិភពលោកក្នុងផ្លូវវិជ្ជមានបានដែរ។ ជាការពិតណាស់នៅពេលដែលអ្នកដទៃបានមើលឃើញនូវទង្វើល្អរបស់អ្នកដែលអ្នកបានធ្វើដើម្បីសង្គមជាតិ នោះពួកគេនឹងចាប់ផ្តើមគោរព និង ផ្តល់តម្លៃដល់អ្នកជាក់ជាមិនខាន មិនថាក្នុងជំនាន់នេះ ឬក៏ជាជំនាន់ក្រោយៗនៃកូនចៅរបស់អ្នកឡើយ។

៤. អានសៀវភៅ៖ បើទោះបីជាលោកមាននាមថាជាមហាសេដ្ឋីលំដាប់កំពូលតារាងរបស់ពិភពលោកហើយក៏ដោយ ប៉ុន្តែលោកមិនដែលឈប់រៀនសូត្រឡើយ ហើយលោកតែងតែចំណាយពេលចុងសប្តាហ៍ ឬ ពេលទំនេរបន្តិចបន្តួចរបស់លោកដើម្បីអានសៀវភៅ និង បន្តការសិក្សាស្រាវជ្រាវអ្វីដែលថ្មីៗជានិច្ច។ ដូច្នេះហើយទើបលោកតែងតែមាននូវគំនិតក្នុងការបង្កើតថ្មីជារឿយៗដើម្បីបំពេញរាល់តម្រូវការដែលមនុស្សលោកកំពុងតែត្រូវការ។

អត្ថបទ៖ វិសាល

ផ្នែកមួយនៃសៀវភៅ៖ ផ្នត់គំនិតមេដឹកនាំ

បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ

សូមជួយចែករំលែកអត្ថបទនេះ ដើម្បីចំនេះដឹង :

អានអត្ថបទ:

• ដំបូន្មានរបស់លោក Richard Branson សម្រាប់សហគ្រិនជំនាន់ក្រោយ

• ពេលអតិថិជនកំពុងខឹង តើអ្នកគួរធ្វើដូចម្តេច?

• ផ្លាស់ប្តូរសកម្មភាពដើម្បីបង្កើនភាពឈ្លាសវៃ

• តើនាយកប្រតិបត្តិ (CEO) ត្រូវមានកាតព្វកិច្ចសំខាន់ៗអ្វីខ្លះ?