៨ ឃ្លារបស់លោក Soichiro Honda ដើម្បីធ្វើឱ្យអ្នកហ៊ានប្រឈមនឹងបរាជ័យ

  • 2019-09-13 3:28:33
  • ចំនួនមតិ 0 | ចំនួនទស្សនា 2108


លោក Soichiro Honda គឺ​ជា​ស្ថាបនិក និងជាអ្នក​បង្កើត​ក្រុមហ៊ុន​ Honda។ សព្វ​ថ្ងៃ​ Honda បានក្លាយទៅជា​ក្រុមហ៊ុន​​ជប៉ុនមួយ​ដែលមានឈ្មោះ​ល្បី​ល្បាញមួញលើ​ការ​ផលិត​ម៉ូតូ​ និងរថយន្ត។ លោក​​ Honda បាន​លា​ចាក​លោក​នៅ​​​ថ្ងៃ​ទី​៥ ខែ​សីហា​ ឆ្នាំ​១៩៩១ នៅ​ក្នុង​វ័យ​៨៤ឆ្នាំ ហើយ​លោក​​ក៏​បាន​បន្សល់​ទុក​នូវ​សម្រង់​​សម្ដី​ដ៏​មាន​ន័យ​ជា​ច្រើន​ផង​ដែរ។ ហើយខាងក្រោមនេះគឺជាសម្រង់ពាក្យទាំង៨របស់លោក៖

១. ថ្ងៃដែលខ្ញុំឈប់ស្រម៉ៃ គឺជាថ្ងៃដែលខ្ញុំស្លាប់។
២. ភាពជោគជ័យ១% គឺបានមកពីភាពបរាជ័យ៩៩% ដូច្នេះចូរកុំខ្លាចក្នុងការប្រឈមនឹងបញ្ហា និង ភាពបរាជ័យអី។
៣. នៅពេលដែលខ្ញុំកំណត់ផែនការអ្វីមួយហើយវានៅតែបរាជ័យ វារឹតតែធ្វើឱ្យខ្ញុំកាន់តែពុះកញ្ជ្រោលធ្វើវាឱ្យទាល់តែសម្រេច។
៤. អ្នកមិនអាចវាស់ចំណុចខ្លាំងរបស់មនុស្សម្នាក់បានតាមរយៈរូបរាងខាងក្រៅនោះទេ ប៉ុន្តែអ្នកអាចវាស់បានតាមរយៈសកម្មភាព និង ទឹកចិត្តរបស់ពួកគេ។
៥. ក្តីសង្ឃឹមនឹងធ្វើឱ្យអ្នកឈប់ខ្វាយខ្វល់នឹងរឿងពិបាកៗ និង ការបរាជ័យទាំងឡាយ។
៦. ខ្ញុំមិនខ្វល់ពីសញ្ញាប័ត្រនោះទេ អ្វីដែលខ្ញុំចង់បាននោះគឺចំណេះដឹង និង សមត្ថភាពពិតប្រាកដ។
៧. មិនចាំបាច់ទាល់តែកើតជាកូនអ្នកមាន ទើបយើងអាចជោគជ័យនោះទេ ព្រោះជោគជ័យវាកើតចេញពីសមត្ថភាពរបស់យើងម្នាក់ៗ។
៨. ពេលដែលអ្នកបរាជ័យ នោះអ្នកនឹងបានរៀនពីវិធីមួយទៀតដែលមិនធ្វើឱ្យវាបរាជ័យម្តងទៀត។

អត្ថបទ៖ បូ ទីន

——————————————–
ព័ត៌មានអំពីសៀវភៅ៖ https://bit.ly/3bj3sOX
តំណាងចែកចាយ៖ https://bit.ly/3cqLBJ5
——————————————–

បញ្ជាក់៖ រាល់ការ Copy យកអត្ថបទពី Business Record ទាំងអស់ សូមបងប្អូនត្រូវដាក់ប្រភពឱ្យផង។ អរគុណ ដែលបានសហការ

សូមជួយចែករំលែកអត្ថបទនេះ ដើម្បីចំនេះដឹង :



អានអត្ថបទ: